Երևանի բնակիչների կեսից ավելին չի աշխատում իր մասնագիտությամբ

Դուք աշխատո՞ւմ եք Ձեր մասնագիտությամբ։ Career Development ծրագրի շրջանակում Բրեվիսի հետազոտություններն այս հարցի շուրջ պարզել են, որ մեր կյանքի բոլոր բնագավառներում և հասարակության բոլոր շերտերում էապես դրսևորվում են ճիշտ մասնագիտություն չընտրելու հետևանքները։ Դրանցից ամենախոսունն այն է, որ Երևանում հարցվածների 51.1%-ը չի աշխատում իր մասնագիտությամբ։

Հարցումների արդյունքները ցույց են տալիս, որ սեփական մասնագիտությունից առավելապես հեռացել են միջին մասնագիտական (64.8%)  և անավարտ համալսարանական (76.0%) կրթություն ստացած մարդիկ: Իսկ բարձրագույն կրթություն ունեցողների դեպքում պատկերն ավելի հուսադրող է․նրանց միայն 40․1%-ն է, որ չի աշխատում իր մասնագիտությամբ։

Իրենց մասնագիտությամբ չաշխատողների տարիքային սանդղակում ամենամեծաթիվը 36-50 տարեկաններն են։ Այս հանգամանքը, հավանաբար, կապված է անկախանալու և դրան հաջորդող տարիներին մեր երկրում նոր պահանջների և անկայուն տնտեսական դաշտի հետ։

Ուսումնասիրել ենք նաև մարդկանց աշխատանքային զբաղվածության բաշխվածությունն՝ ըստ տնտեսության բնագավառների և ստացել հետևյալ պատկերը․ մասնավոր հատվածում աշխատողներն ամենաշատն են՝ 61․9%, պետական հատվածը ծածկում են 35․1%-ը, իսկ մնացած մասը կազմում են միջազգային կազմակերպություններում աշխատողներն ու հասարակական գործունեությամբ զբաղվողները։

Համաձայն հարցումների արդյունքների՝ իգական սեռի ներկայացուցիչներն ավելի շատ են կատարում պետական աշխատանք (42․0%), քան տղամարդիկ (28․0%)։


Հեղինակ

Breavis

Կարդացեք նաև․․․

Breavis Web

Հանրային կարծիքի ուսումնասիրություն 2023. Հայաստանի առկա բնակչություն

Միջազգային հանրապետական ինստիտուտի Հարցումների հետազոտության կենտրոնի համար, Բրեվիսի կողմից վերջերս իրականացված հանրային կարծիքի ուսումնասիրությունը, ստեղծում է Հայաստանի բնակիչների կարծիքների և տեսակետների նշանակալի պատկեր։ Հարցումը անցկացվել

Breavis Blog1 3

Էներգաարդյունավետությունը բազմաբնակարան շենքերում. հետազոտություն Հայաստանում

Կայուն ապագա ապահովելու մեր շարունակական ձգտման գործում կարևոր է հասկանալ բնակելի շենքերում էներգաարդյունավետության բարելավման ներուժը: Բրեվիսը ՄԱԶԾ-ԿԿՀ ծրագրի շրջանակներում 2023 թ. հունվարից մարտն ընկած ժամանակահատվածում

Breavis Blog3

Հանրային կարծիքի ուսումնասիրություն 2022 հուլիս. Հայաստանի առկա բնակչություն

ԱՄՆ միջազգային զարգացման գործակալության կողմից վերջերս ֆինանսավորված նախաձեռնության շրջանակներում Բրեվիսն իրականացրել է հանրային կարծիքի ուսումնասիրություն Միջազգային հանրապետական ինստիտուտի Հարցումների հետազոտության կենտրոնի համար։ Հետազոտությունն իրականացվել է