Այսօր, առավել քան երբևէ, տվյալները դարձել են ամենաարժեքավոր կապիտալը աշխարհում, և, հստակ գիտակցելով տվյալների ու տեղեկությունների ճշգրտության կարևորությունը, մենք նոր տեխնոլոգիաների ներդրմամբ նպատակ ունենք ապահովելու վավերականության հիմնադրույթը։ Ըստ այդմ, մենք ձևավորել ենք հատուկ ենթակառուցվածք որակական հետազոտությունների արդյունավետության բարձրացման համար․ մեր ֆոկուս խմբային քննարկումների սենյակը համալրվել է ժամանակակից սարքավորումներով՝ թույլ տալով պատվիրատուին հետևել քննարկման ընթացքին հատուկ դիտարկման սենյակից՝ միակողմանի հայելիով պատուհանից, կամ՝ առցանց հեռարձակմամբ։
Նշենք, որ անհրաժեշտության դեպքում ապահովվում է նաև զուգահեռ թարգմանություն՝ տեսաձայնագրության միջոցով, ինչպես նաև՝ քննարկումը ձայնագրելու հնարավորություն՝ տարբեր ձևաչափերով։
