Բրեվիս ընկերությունը (ներկայացված «ԱՅ ՓԻ ԷՍ ՍԻ» Քաղաքական և սոցիոլոգիական խորհրդատվությունների ինստիտուտի կողմից) փնտրում է հեռախոսային հարցումներ իրականացնող հարցազրուցավարների։
ՊԱՇՏՈՆ՝ հեռախոսային hարցազրուցավար
ԱՇԽԱՏԱՆՔԻ ՏԵՍԱԿ` պայմանագրային
ՏԵՎՈՂՈՒԹՅՈՒՆ` մշտական
ՎԱՅՐ` Երևան
ԱՇԽԱՏԱՆՔԻ ՆԿԱՐԱԳՐՈՒԹՅՈՒՆ` Բրեվիս ընկերությունը փնտրում է ճկուն, պատասխանատու և արդյունավետ հաղորդակցման հմտություններ ունեցող մասնագետների՝ միանալու մեր թիմին որպես հեռախոսային հարցազրուցավարներ։ Դուք կլինեք մեր հետազոտական թիմի կարևոր անդամ՝ իրականացնելով հեռախոսային հարցումներ պլանշետների միջոցով և նպաստելով սոցիոլոգիական ու հետազոտական նախագծերի հաջող իրականացմանը։
Աշխատանքային գրաֆիկը ճկուն է՝ օրական նվազագույնը 5-ժամյա ներգրավվածությամբ, ինչը հնարավորություն է տալիս համատեղել այս աշխատանքն ուսման կամ հիմնական աշխատանքի հետ։ Հեռախոսային հարցազրուցավարներն աշխատելու են մեր գրասենյակում, որը գտնվում է Երևան քաղաքում։
ԱՇԽԱՏԱՆՔԱՅԻՆ ՊԱՐՏԱԿԱՆՈՒԹՅՈՒՆՆԵՐ`
- Մասնակցություն հետազոտական ծրագրերին,
- Մասնակցություն ընկերության կողմից կազմակերպվող դասընթացներին,
- Հեռախոսային հարցումների իրականացում մեր գրասենյակից,
- Ընկերության կողմից սահմանված որակի ստուգման պահանջների պահպանում։
ԱՆՀՐԱԺԵՇՏ ՀՄՏՈՒԹՅՈՒՆՆԵՐ ԵՎ ՈՐԱԿԱՎՈՐՈՒՄՆԵՐ՝
- Միջին մասնագիտական կամ բարձրագույն կրթություն (նաև՝ ուսանող),
- Հաղորդակցման հմտություններ, սահուն և գրագետ խոսք,
- Հայերենի գերազանց իմացություն (այլ լեզուների իմացությունը ցանկալի է),
- Թիմում աշխատելու և համագործակցելու ունակություն,
- Ժամանակի կառավարման հմտություններ,
- Պատասխանատվություն, ճշտապահություն, ազնվություն, ճկունություն, արագ կողմնորոշվելու կարողություն։
ԲՐԵՎԻՍ ԸՆԿԵՐՈՒԹՅՈՒՆՈՒՄ ՈՐՊԵՍ ՀԱՐՑԱԶՐՈՒՑԱՎԱՐ ԱՇԽԱՏԵԼՈՒ ԸՆԹԱՑՔՈՒՄ ԱՇԽԱՏԱԿԻՑՆԵՐԸ ԿՈՒՆԵՆԱՆ՝
- Բարձր վարձատրություն (վճարումն իրականացվում է բանկային փոխանցման միջոցով),
- Ապահովագրություն (ապահովագրության տեսակն ընտրվում է ծրագրի առանձնահատկություններից ելնելով),
- Ամբողջական դրույքով աշխատելու դեպքում՝ տրանսպորտով ապահովում,
- Հնարավորություն աշխատելու երկար տարիների փորձ ունեցող մասնագետների հետ, որոնք կփոխանցեն իրենց գիտելիքն ու փորձը,
- Մասնագիտական զարգացման ու կարիերայի առաջխաղացման հնարավորություն,
- Մասնակցություն թիմային միջոցառումների, Ժամանակակից և հարմարավետ գրասենյակային պայմաններ։
ԴԻՄԵԼՈՒ ԿԱՐԳԸ` Հետաքրքրված անձանց խնդրում ենք լրացնել կից հղմամբ հայտը` https://shorturl.at/bPFho (https://shorturl.at/bPFho): Հայտերի ընդունման վերջնաժամկետը՝ 10․10․2025թ։
Հարցազրույցի կհրավիրվեն միայն նախնական ընտրության փուլն անցած թեկնածուները 15 աշխատանքային օրվա ընթացքում: Մենք Ձեզ հետ կապ կհաստատենք էլ. փոստի միջոցով։ Մաղթում ենք Ձեզ հաջողություն:
ՈՒՇԱԴՐՈՒԹՅՈՒՆ Բրեվիսի աշխատանքային մոտեցումներից է անկողմնակալության ապահովումը, որի նպատակով Բրեվիսի հետ համագործակցող բոլոր աշխատակիցները պարտավոր են պահպանել քաղաքական չեզոքություն՝ ուղղակի կամ անուղղակի կերպով հարցումների վերջնական արդյունքների վրա չազդելու համար: